Menu

Obama shqyrton mundësinë e tërheqjes së plotë nga Afganistani

Një artikull i Gazetës The New York Times thotë se Shtetet e Bashkuara janë duke shqyrtuar një mundësi për tërheqjen nga Afganistani vitin e ardhshëm.

Në një artikull të publikuar dje në faqen e saj të internetit, gazeta citon zyrtarë të paidentifikuar amerikanë dhe evropianë të cilët thonë se Presidenti Barak Obama ka qenë "gjithnjë e më shumë i irrituar" prej bisedimeve me presidentin afgan Hamid Karzai, duke bërë që udhëheqësi amerikan ta "konsiderojë seriozisht" mundësinë e një plani tërheqjeje, sipas të cilit asnjë ushtar amerikan nuk do të mbetej në Afganistan.

Kjo nuk është hera e parë që lihet të kuptohet se Shtetet e Bashkuara mund të konsiderojnë tërheqjen e të gjitha trupave nga Afganistani vitin e ardhshëm. Zyrtarë amerikanë i thanë agjencisë së lajmeve Reuters, në përgjigje ndaj artikullit të The New York Times-it, se komenti i bërë në janar nga zëvendës këshilltari i sigurisë kombëtare i Shtëpisë së Bardhë Ben Rhodes, se opsioni zero është një mundësi që SHBA-ja do të konsiderojë "ende mbetet i vlefshëm".

Artikulli i gazetës The New York Times thotë se marrëdhënia mes zotit Obama dhe zotit Karzai është "përkeqësuar vazhdimisht", duke arritur nivelin më të ulët me lëvizjen e muajit të kaluar nga ana e SHBA-së për të hapur bisedime paqeje me talebanët.

Ndaje me të tjerët

Submit to FacebookSubmit to Google PlusSubmit to Twitter
Kthehu në krye

Veglat

Rreth nesh

Na ndiqni edhe në

Miqtë nga facebooku